டைம் டிரஸ்ட் மாணவர்களுக்கு வழங்கியா உதவித்தொகை விவரங்கள்

அன்புடையீர், அஸ்ஸலாமு அலைக்கும், அல்ஹம்துலில்லாஹ். எல்லாம் வல்ல இறைவனின் பேரருள், உங்களின் மனமார்ந்த உதவி இவற்றின் விளைவாக கடந்த 4.9.11 அன்று இளையான்குடி மேன்னிலைப்பள்ளியில் நடைபெற்ற இனியதொரு நிகழ்ச்சியில் கல்வி உதவித் தொகை வழங்கப்பட்டது. இந்நிகழ்ச்சியில் கீழக்கரை பெருவணிகரும் வள்ளலுமான அல்ஹாஜ் சீனா தானா என்ற எஸ்.எம்.செய்யது அப்துல் காதர் அவர்களும், அல்ஹாஜ். எஸ்.எம். இதயத்துல்லாஹ் அவர்களும் அல்ஹாஜ் எஸ். ராஜா ஹசன் அவர்களும் பங்கேற்றுச் சிறப்புச் செய்தனர். இளையான்குடி, சென்னை, சிங்கப்பூர், மற்றும் வளைகுடா நாடுகளில் வாழும் நமதூர் மக்கள் அளித்த பேருதவியுடன் சென்னை Seed Trust அமைப்பினரும் வழங்கிய நிதியுதவியே இதனைச் சாத்தியமாக்கியது. அவர்கள் அனைவருக்கும் அவர்களின் இனிய குடும்பத்தினருக்கும்  எல்லாம் வல்ல இறைவன் அனைத்து நலன்களையும் வாரி வழங்கிடப் பிரார்த்தின்றோம். நமது சமுதாயத்தைச் சேர்ந்த அறிவார்ந்த மாணவர் மாணவியர் பொருளாதாரக் குறைபாடு காரணமாக உயர்கல்வி பெறுவது தடைப் படுதல் கூடாது என்ற அடிப்படையில் அரசு ஒதுக்கீட்டில் இடம் பெற்ற தந்தையை இழந்த மாணவர் ஒருவருக்கு அவருடைய ஒரு ஆண்டிற்கான விடுதிச் செலவுகள் அனைத்தையும் ஏற்றுக்கொண்டுள்ளோம். இன்ஷா அல்லாஹ் படிப்பிற்கான அவருடைய முழுச் செலவுகளையும் நாமே ஏற்றுக்கொள்ள வேண்டும் என்பது எங்கள் அவா. நல்ல மதிப்பெண்கள் பெற்றவர்களை ஊக்கப்படுத்த வேண்டும் என்ற அடிப்படையில் மேலப்பள்ளிவாசல் பெண்கள் மேல்நிலைப்பள்ளியில் இரண்டாவது இடம் பெற்ற மாணவியின் கல்லூரிப் பேருந்துக் கட்டணத்தை முழுமையாக ஏற்றுக்கெண்டுள்ளோம். நமது பணிகள் தொடர உங்களின் மேலான ஆதரவும் ஒத்துழைப்பையும் வேண்டுகிறோம். இப்படிக்கு மேனேஜிங் டிரஸ்டி